Valborgsamlinga
Valborg Kroken vart fødd i 1905 i Sandøy kommune. Ho flytta til Sundalen på Åheim i 1934, og starta å ta vare på bruksting frå garden ho budde på. Ho utvida samlinga med tekstilar, klede og gardsreiskap frå nærområdet. Valborgsamlinga er ei fin blanding tekstilar og kvardagslege husgeråd, hovudsakleg knytta til kvinnelivet på ein vestlandsgard. I tillegg er eit gamalt skulerom innreidd slik det kan ha vore då skulen var i bruk midt på 1900-talet. På veggane heng ei samling med over 40 klassebilete av skuleelevar. Dei eldste er over 100 år gamle. Bygdefolk har også gitt ting til samlinga. Der er den rekonstruerte Grubsebutikken, eit rom med kyrkjeantikvitetar, bygdekinoen, telefonsentralen på Åheim, verkty, fiske- og gardsreiskap m.m.